Bebe Rexha: “Kam mësuar ta jetoj jetën si dua vetë”

Bebe Rexha ka folur për revistën “Nylon”, ku ka deklaruar se në dashuri nuk e përcakton orientimin e saj, por tërhiqet nga shpirti dhe personaliteti i njerëzve, qofshin ata meshkuj apo edhe femra.  

Sipas saj, ka mësuar ta jetojë jetën siç dëshiron vetë, pa u brengosur se çfarë mendojnë të tjerët, por këngëtarja e ka pranuar se karakteri i saj energjik dhe, herë-herë i ashpër, kryesisht i mban larg meshkujt, të cilët, si duket, ndihen të frikësuar nga ajo dhe vështirë të mbijetojë në lidhje me ta. Suksesi i Bebe Rexhës në tregun muzikor amerikan vetëm sa po shkon duke u rritur, përcjell albinfo.ch.

 Brenda vetëm një viti ajo i ka lansuar 3 këngë të reja, të cilat numërojnë qindra miliona klikime në Youtube, si: “I’m A Mess”, “Say My Name” dhe “Last Hurrah”.