Lenjani, i gatshëm të kthehet te Kombëtarja shqiptare

Foto nga Facebook

Një nga futbollistët shqiptar më në formë në Zvicër është Ermir Lenjani. Ai aktivizohet te Sioni.

Në ndeshjen e fundit realizoi dy gola mjaft të bukur, duke treguar për formën e mirë, përcjell albinfo.ch.

Sidoqoftë, ai u bë protagonist në muajin mars, kur refuzoi të luajë për Kombëtaren shqiptare, derisa Christian Panucci të jetë trajner i kuqezinjve.

“Unë luaj aty ku më vendos trajneri. Por është e vërtetë, që tani po luaj pak më i avancuar”, deklaroi futbollisti shqiptar, i cili në Sion po luan si sulmues krahu.

Gjithsesi ai nuk harron Kombëtaren shqiptare. “Mes meje dhe Panuccit është thënë gjithçka. Nuk kam asgjë për të shtuar. Lumturohem sa herë që më thërrasin në Kombëtare. Jam krenar që luaj për vendin tim”, shtoi tutje Lenjani.

29-vjeçari është golashënuesi i dytë më i mirë i skuadrës me pesë gola, tre më pak se futbollisti tjetër me origjinë shqiptare, Pajtim Kasami.