Deputetët zviceranë kërkojnë referendum për ndryshimin e orës

(KEYSTONE/Christian Beutler)

Pas rekomandimit të BE-së për të hequr ndryshimin e orës në mars të këtij viti, një grup politikanësh në Zvicër shpreson të marrë 100,000 nënshkrime të nevojshme për të thirrur një referendum nëse shteti i Evropës Qendrore duhet të përafrohet me fqinjët e saj, përcjell albinfo.ch.

Një fushatë e referendumit të Zvicrës është nisur me synimin për të përshtatur zonën kohore të vendit me çdo vendim të ardhshëm që fqinjët e saj mund të merrnin.

Që nga viti 1981 Zvicra ka ndryshuar orët e saj dy herë në vit, në mars dhe tetor, për të sinkronizuar kohën kombëtare me fqinjët e saj qendrorë evropianë, përcjell albinfo.ch.

Parlamenti i BE-së në mars të këtij viti votoi për të lejuar çdo shtet anëtar të vendosë nëse do të donte të qëndronte në zonën e kohës  së dimrit apo të verës. Këshilli i BE-së do të duhet ta formalizojë atë vendim më vonë këtë vit.

Frika kryesore e Zvicrës është se vendet fqinje të BE-së mund të përfundojnë në një zonë të ndryshme kohore, të cilat mund të prishin lidhjet ndërkufitare. Referendumi po bën thirrje që Zvicra të përshtasë orarin e saj në çdo vendim të marrë nga fqinjët e saj qendror evropianë, përcjell albinfo.ch.

Franca dhe Austria aktualisht janë duke kërkuar që të mbeten në kohë të përhershme të verës, ndërsa Gjermania ende nuk ka marrë një vendim zyrtar.