Dëshironi të migroni në Evropë: Këto janë rrogat që ju presin

Jo vetëm qytetarët e Kosovës po mësyjnë vendet e Evropës për një jetë më të mirë. I gjithë Ballkani Perëndimor është shndërruar në një rajon të migrimit, në kërkim të pagave më të larta. Ndërsa, paga më e lartë për orë pune është në Danimarkë 38.9 euro dhe në Belgjikë, ku ora e punës paguhet për 38 euro.

Sipas Eurostatit, norma mesatare e kompensimit për të punësuarit në Bashkimin Evropian, në fitimet, pagat dhe kontributet sociale të paguara nga punëdhënësi, janë nga 44 euro në zonën e Brukselit dhe Luksemburgut, deri në më pak se katër euro në tre rajone në Bullgari.

Mesatarja e pagës për një orë punë në vendet e BE-së në vitin 2016 ishte 22.8 euro

Siç përcjell B92, pagesat më të larta për një orë pune kryesisht janë rajonin e kryeqyteteve të shteteve dhe përreth tyre. Këtu bëjnë përjashtim Gjermania, Britania e Madhe, Italia, Spanja dhe Greqia.

Norma mesatare e pagesës për orë pune në Slloveni është 16.1 euro, kurse në Kroaci 8.6 euro. Norma mesatare më e lartë për orë pune është në Danimarkë 38.9 euro dhe në Belgjikë, ku ora e punës paguhet për 38 euro.

Në fund të listës janë Bullgaria me 4.7 dhe Rumania me 5.1 euro në orë.

Në mes të renditjes janë Republika e Irlandës me 28.3, Spanja me 19.4 euro.

Më poshtë po japim pasqyrën e pagës për një orë pune në disa vende të BE-së:

Franca 32.8

Greqia 11.2

Suedia 28.8

Finlanda 30

Portugalia 11

Hungaria 6.9

Sllovakia 9.6

Gjermania 31.3

Austria 29.3

Italia 22.7 

---