Oda Ekonomike Amerikane në Kosovë ka udhëhequr një delegacion të bizneseve kosovare në Samitin treditor B20 në Uashington, të organizuar nga Oda Ekonomike e SHBA-së, përcjell albinfo.ch.
Sipas njoftimit të Odës Amerikane, delegacioni iu bashkua më shumë se 3.000 drejtuesve të bizneseve dhe përfaqësuesve qeveritarë nga mbi 100 vende, në samitin e parë B20 të mbajtur në Shtetet e Bashkuara.
Në delegacion morën pjesë përfaqësues nga AS Travel Club, Birra Peja, Blue Dot Consulting, Devolli Group, Lab-Oil, Meditech, Meridian Corporation, Solution25 dhe TechFusion Ventures.
Diskutimet u përqendruan te rritja ekonomike, inovacioni, tregtia dhe energjia. Sipas Odës Amerikane, pjesëmarrja krijoi mundësi për vendosjen e kontakteve ndërkombëtare, shqyrtimin e mundësive për investime dhe prezantimin e potencialit të sektorit privat të Kosovës./Albinfo.ch
