Në Hamburg do të nisë mësimi plotësues në gjuhën shqipe

Foto ilustrim

Në Hamburg të Gjermanisë së shpejti pritet të fillojë mësimi plotësues në gjuhën shqipe për nxënësit shqiptarë, shkruan albinfo.ch.

Ambasada e Kosovës në Berlin ka njoftuar se gjatë ditës së sotme do të mbajë një takim informues me prindërit shqiptarë.

“E dhe qyteti në të cilin jetojnë mijëra fëmijë shqiptarë do të nisë me arsimin plotësues në gjuhën shqipe! Ftoheni që të merrni pjesë në këtë takim informues ku në detaje do të mësoni kur dhe ku do të fillojë mësimi në gjuhën shqipe”, thuhet në njoftimin e ambasadës, përcjell albinfo.ch.

Gjatë kësaj mbledhjeje informuese do të flasin Muhamet Idrizi, Nadire Redjepi dhe përfaqësues nga Ambasada e Republikës së Kosovës në Berlin.