Jonida Maliqi udhëton për në Tel-Aviv, gati për Eurovizion

Jonida Mailiqi, së bashku me ekipin e saj ka udhëtuar për në Tel Aviv të Izraelit, ku do të mbahet festivali Eurovizion, shkruan albinfo.ch.

Këtë radhë, Shqipërinë do ta përfaqësojë Maliqi me këngën “Ktheju tokës”, të cilën pritet ta performojë në gjysmëfinale, më 16 maj.

Nisja e saj drejt Izraelit është përcjellë me komente pozitive e urime të shumta për fitore, të cilat ajo i ka ndarë në Instagram.

E pikërisht kënga që do ta përfaqësojë Shqipërinë në këtë edicion të Eurovizionit u është kushtuar emigrantëve.

Mesazhi i kësaj këngë që sjell Jonida është emigracioni i shqiptarëve, ikja dhe kthimi i tyre në Shqipëri. Kënga është shkruar nga Eriona Rushiti.