Aktorja Jennifer Aniston tregon pse është jashtë ndonjë lidhjeje

Aktorja e njohur, Jennifer Aniston, në një intervistë për revistën “Harper’s Bazaar” ka thënë se është shumë e nxënë me punë.

50-vjeçarja foli për jetën e saj personale në këtë intervistë. Ajo tha se nuk ka kohë t’i kushtohet ndonjë lidhjeje.

“Fokusi ka qenë The Morning Show, kështu që takimet e lidhjet nuk ishin prioritetet e mia të para. Ndjej se romanca shfaqet vetë, nuk duhet ta kërkosh”, theksoi ajo, transmeton albinfo.ch.

“Kur dashuria të vijë, do ta mirëpres. Nuk jam e mendimit që e kam mbyllur këtë kapitull dhe nuk do ta hap përsëri”, deklaroi ajo.

Aniston ishte e martuar dy herë nga viti 2000 deri më 2005 ishte me Brad Pitt, ndërsa me aktorin Justin Theroux për dy vjet e gjysmë, por u ndanë në shkurt 2018.