Krerët e shteteve të BE-së u kërkojnë qytetarëve pjesëmarrjen në zgjedhje

 Zgjedhjet për Parlamentin Europian kanë një rëndësi të veçantë, pasi qytetarët do të zgjedhin drejtimin që do të marrë BE-ja. 

”Ne, kryetarët e shteteve të Bullgarisë, Republikës Çeke, Gjermanisë, Estonisë, Irlandës, Greqisë, Francës, Kroacisë, Italisë, Qipros, Letonisë, Lituanisë, Hungarisë, Maltës, Austrisë, Polonisë, Portugalisë, Rumanisë, Sllovenisë, Sllovakisë dhe Finlandës apelojmë për qytetarët, të cilët kanë të drejtë vote, që të marrin pjesë në votim”, thekson apeli i nënshkruar nga 21 krerët e shteteve europiane. 

“Së bashku, në Europë mund të përballemi me sfida. Në muajt e fundit, më shumë sesa në të kaluarën, Bashkimi Europian po përballet me fillimin e procesit të integrimit, disa po flasin për reduktimin e disa fazave të integrimit si liria e lëvizjes ose heqja e institucioneve të përbashkëta, për herë të parë një shtet anëtar synon të largohet nga Bashkimi’’, thuhet në apel, shkruan atsh, përcjell albinfo.ch. 

”Në të njëjtën kohë, të tjerë kërkojnë një integrim më të madh brenda Bashkimit ose Eurozonës ose një Europe me shumë shpejtësi, ku ka dallime mendimi midis qytetarëve dhe midis qeverive të shteteve anëtare, si dhe mes nesh, megjithatë, të gjithë jemi dakord se integrimi dhe uniteti europian janë thelbësorë dhe se duam që Europa të vazhdojë të jetë e bashkuar’’, theksojnë në apel 21 krerët e shteteve europiane. 

”Vetëm një komunitet i fortë do të jetë në gjendje të përballet me sfidat globale të kohës sonë”, përfundon apeli.