Sot vendoset titulli në Angli, a do të triumfojë Shaqiri me Liverpoolin

Liverpooli po e kërkon titullin e kampionit pas tre dekadash në Angli

Sot do të zhvillohet xhiroja e 38-të apo e fundit e kampionatit anglez, ku do të vendoset se kush do të shpallet kampion.

Tre skuadrat që kanë rënë një kategori më poshtë janë ‘caktuar’, derisa Tottenhami është skuadra e fundit që pritet të sigurojë pjesëmarrjen në Ligën e Kampionëve. Kështu e vetmja dilemë ka mbetur titulli i kampionit, shkruan albinfo.ch.

Manchester City ndodhet në vendin e parë në Angli me 95 pikë, një më shumë se Liverpooli.

City është mysafire e Brightonit dhe me fitore do të mbronte titullin e kampionit.

Ndërkohë, Liverpooli e pret Wolvesin, ku patjetër duhet të fitojë për të shpresuar se City do të dështojë dhe të fitojë titullin pas gati tre dekadave. Nëse Liverpool barazon e City humb, sërish titulli do të shkonte te ‘Qytetarët’, vetëm nëse skuadra nga Mançesteri pëson humbje më shumë se katër gola, shkruan tutje albinfo.ch.

Liverpooli ka disa mungesa dhe mbetet të shihet nëse Xherdan Shaqiri do të luajë nga fillimi.

---