MDIS organizon ekskursion për nxënësit shqiptarë të Sllovenisë

Foto ilustrim

Nxënësit shqiptarë të Sllovenisë do të marrin pjesë në një ekskursion pesë ditor në Kosovë e Shqipëri, të organizuar nga Ministria e Diasporës dhe Investimeve Strategjike, shkruan albinfo.ch.

Nga MDIS kanë njoftuar se qëllimi i këtij ekskursioni me karakter njohës mësimor, është njohja e atdheut, njohja me trashëgiminë kulturore dhe natyrore të vendit, si dhe fuqizimi i bashkëpunimit me institucionet dhe shkollat në Kosovë e Shqipëri.

Ekskursioni do të nisë më 29 maj, kur nxënësit pritet të vizitojnë qytetin e Prishtinës, shkollën Model si dhe Shpellën e Gadimes. Ky ekskursion do të përmbyllet me 2 qershor, me c’rast, nxënësit do të ndalen edhe në qytetin e Prizrenit, para se të nisen për Slloveni. Po ashtu, gjatë ekskursionit, ata pritet ta vizitojnë edhe Shqipërinë.

Agjendën e detajuar e gjeni duke klikuar këtu.