Prishtinë: Gjoba për shoferët që parkojnë në trotuare

Foto ilustrim

Shoferët që parkojnë nëpër trotuare në Prishtinë, do të gjobiten, ka njoftuar Policia e Kosovës – njësitet në Prishtinë. Ky vendim do të zbatohet që nga data 10 qershor, përcjell albinfo.ch.

Policia ka njoftuar se ky plan operativ është ekskluzivisht i paraparë për pastrimin e trotuareve nga parkimet e ndaluara dhe se toleranca ndaj kundërvajtësve do të jetë zero.

“Të gjitha veturat që do të hasen të parkuara në mënyrë të parregullt dhe në vendet e ndaluara për parkim, do të kenë njoftimin zyrtar për paraqitje të obligueshme në stacion policor, ku palës do t’i shqiptohet gjobë për kundërvajtje”, thuhet në njoftim.

Njëherësh, policia ka theksuar se qëllimi i tyre nuk është ndëshkimi, ndaj u ka bërë thirrje shoferëve që ta respektojnë vendimin.

Njoftimi i plotë i policisë:

https://www.facebook.com/KosovoPolice/posts/2377306335663222