Kurti takohet me këshilltarin e Merkelit, ja çka biseduan

Albin Kurti/Fb

Kryetari i lëvizjes Vetëvendosje, Albin Kurti, është takuar me Matthias Luttenberg, këshilltari kancelares Angela Merkel, përcjell albinfo.ch.

Përmes një postimi në Facebook, Kurti ka njoftuar se korrupsioni në Kosovë ka qenë një ndër temat që e kanë biseduar. Bashkë me Kurtin ishin edhe Besnik Bislimi, Mevlyde Hyseni dhe Xhavit Drenori.

“Në këtë takim miqësor biseduam hapur për marrëdhëniet e Kosovës me Gjermaninë, për domosdoshmërinë e luftimit të korrupsionit të lartë dhe krimit të organizuar në Kosovë, për nevojën e zhvillimit ekonomik të orientuar në punësim, për rëndësinë e raporteve me Serbinë dhe dialogun parimor e të përgatitur me të, si dhe për çështjet e integrimit evropian dhe rajonit të Ballkanit”, ka shkruar Kurti.

https://www.facebook.com/albini2017/photos/a.229545544212004/618280288671859/?type=3&theater