Ministria e Diasporës organizon kuiz për nxënësit shqiptarë në Austri

Foto ilustrim

Ministria e Diasporës dhe Investimeve Strategjike, në bashkëpunim me Shoqatën e Mësuesve Shqiptarë “Naim Frashëri“ në Austri, organizon kuizin e diturisë me nxënësit e shkollës shqipe në këtë shtet. Kuizi mbahet në qytetin Gleosdorf, përcjell albinfo.ch.

Qëllimi i mbajtjes së kuizeve të diturisë është nxitja dhe motivimi i nxënësve të mësimit plotësues të gjuhës shqipe që të mësojnë më shumë për gjuhën, historinë e gjeografinë e vendit të prejardhjes, njofton MDIS.

Ky kuiz do të mbahet më 8 qershor 2019, në orën 11:00, adresa: Forum Kloster, Rathauplatz 5, 8200 Gleisdorf, Steiermark.

Gjatë ditës së djeshme, një kurs i ngjashëm është mbajtur edhe në Itali, kurse gjatë dy javëve të ardhshme, MDIS do të organizojë kuize të diturisë edhe në Zvicër dhe Greqi, në bashkëpunim me lidhjet e mësuesve të këtyre tri vendeve.