3 orë e gjysmë pritje para tunelit Gotthard

Ndërsa kolona pritëse ka arritur gjatësinë maksimale prej 18 kilometrash, njofton Touring Club Schweiz

Rruga kryesore që zviceranët dhe evropianët tjerë i çon drejt jugut dhe drejt pushimeve,  ajo që kalon përmes Tunelit Gotthard, sikur para çdo feste, edhe sot ka qenë më e gjatë dhe e mundimshme se zakonisht. Kështu, ata që ia kanë mësyrë jugut për festën e krishterë të Rrshajave (Pfingsten) është dashur të kenë shumë durim, shkruan srf.ch.

Deri në tri orë e gjysmë ka zgjatur  pritja para portës veriore të tunelit të famshëm ndërsa kolona pritëse ka arritur gjatësinë maksimale prej 18 kilometrash, njofton Touring Club Schweiz, transmeton albinfo.ch.

Ndërsa në natën e mbrëmshme në autostradën e Gothhard-it A2 në Kantonin Uri një veturë është përplasur në mburojën e rrugës dhe për pasojë, shoferi i saj ka pësuar lëndime të rënda. Pas këtij aksidenti, autostrada ka qëndruar disa orë e bllokuar dhe kjo ka bërë që të krijohen kolona të gjata deri në 10 kilometra.

---