Për Kosovën të debatohet vazhdimisht në KS të OKB-së, insiston Serbia

Nesër mbahet mbledhja e Këshillit të Sigurimit të Kombeve të Bashkuara, në të cilën do të shqyrtohet raporti i Sekretarit të Përgjithshëm për punën e UNMIK-ut në periudhën 16 janar – 15 maj 2019.

Siç njofton FoNet, Serbinë në këtë takim e përfaqëson nënkryetari i Qeverisë së Serbisë dhe ministri i saj i Punëve të Jashtme, Ivica Daçiq.

Kjo agjenci shton se Daçiq në fjalën e vet do të “tregojë për nevojën e shqyrtimin të vazhdueshëm të Kosovës në KS të OKB-së” si dhe për “domosdoshmërinë që UNMIK- u të mbetet i angazhuar, me vëllim të pazvogëluar e me mandat të pandryshuar në Kosovë ”, për shkak të, siç thuhet, “shtimit të tensioneve dhe situatës jostabile në të“.

Në mbledhje do të shqyrtohet në veçanti operacioni i njësive speciale të Policisë së Kosovës në veri të vendit, shkruan Kohanet, përcjell Albinfo.ch.