Jep dorëheqje ministri i inovacionit pas vendimit të Kadri Veselit

Besim Beqaj, Ministër i Inovacionit dhe Ndërmarrësisë ka dhënë dorëheqje nga posti i tij.
Këtë e ka bërë të ditur me anë të një konference të ftuar për media pas vendimit të Kadri Veselit që të largoj nga detyra të gjithë ata persona që kanë aktakuza dhe janë pjesë e strukturave të PDK-së.

“Si rezultat i veprimeve të PDK, ju njoftoj se sot e kam paraqite dorëheqjen time te kryeministri Ramush Haradinaj. Në rastin tim unë mëndoj që akuzat janë të pabazuara. Është parim i drejtësisë që derisa të thotë të kundërtën, jemi të pafajshëm. Aktakuza që unë përballem ka një mal të metash. Unë do të lirohem nga aktakuza. Unë jam udhëhequr nga dy parime dhe jam i kënaqur projektet që kam dërguar përpara. Gjatë mandatit tim kam arritur të themeloj një institucion qe mbetet i hapur. Ju siguroi që kjo sfidë do të kaloj së shpejti sepse nuk kam shkel ligjin. Vepra për te cilën unë gjykohem nuk është vepër korruptive”, tha ai.

Kreu i PDK-së gjatë ditës së djeshme morri vendim që të largoj nga pozita të gjithë personat që janë të dënuar apo akuzuar për korrupsion, nepotizëm e keqpërdorim të pozitës zyrtare.