Kosova nuk pranohet në Unionin Transmetues Europian (EBU)

Unioni Transmetues Europian (EBU) nuk e ka pranuar aplikimin e Kosovës për anëtarësim. 

Mes tjerash, kjo nënkupton që Kosova  nuk do të mund të marrë pjesë në garën e Eurosongut për vitin 2020, njofton Klan Kosova, përcjell albinfo.ch. 

Arsyeja kryesore pse Kosova nuk mund të bëhet anëtare e EBU-së me të drejta të plota është për faktin se vendi ynë nuk është anëtar i Unionit Ndërkombëtar të Telekomunikimeve. 

Bordi gjeneral sot në Oslo votoi për ndryshimin e statutit të EBU-së, që do t’ia mundësonte anëtarësimin edhe atyre vendeve të cilat nuk janë anëtare të Unionit Ndërkombëtar të Telekomunikimeve. 

Mirëpo, ky propozim nuk kaloi. 

Më 673 vota “kundër” dhe 400 vota “për” u pamundësua ndryshimi i statutit dhe kësisoj Kosova mbeti jashtë Eurosongut edhe për një vit.