Temperatura ‘ekstreme’ në Kosovë, Shqipëri e Maqedoni

(KEYSTONE/DPA/Julian Stratenschulte)

Gjatë ditës së sotme në Kosovë pritet të mbajë mot me temperatura të larta.

Sipas Institutit Hidrometeorologjik të Kosovës temperaturat minimale gjatë ditës së sotme do të sillen në 22 gradë Celsius, ndërsa maksimalet 37 gradë Celsius.

Mot i ngjashëm do të mbajë deri në fund të javës, përveç ditës së mërkurë kur do të ketë vranësira të cilat gjatë ditës nuk do të jenë stabile dhe vende-vende ka mundësi të shoqërohen me reshje lokale shiu, përcjell albinfo.ch.

Ndërkohë, Shqipëria do të mbizotërohet nga kthjellime në ultësirën perëndimore, por vranësira kalimtare do të ketë në zonat malore. Pasditja dhe mbrëmja do të vijojnë me të njëjtat kushte atmosferike.

Sipas Meteoalb, temperaturat e ajrit do të vijojnë në rritje në orët e para të ditës, deri në mesditë, duke bërë që vlerat ekstreme të variojnë nga 17 në mëngjes dhe maksimumi në mesditë, 39 gradë Celcius.

Moti sot në Maqedoninë e Veriut do të jetë me diell dhe shumë i nxehtë.

Temperatura do të jenë nga 15 gradë, deri në 39 gradë Celsius.