1/5 e popullsisë në Kosovë e ka lëshuar vendin që nga shpallja e pavarësisë

1/5 apo 20% e popullsisë së Kosovës kanë lëshuar vendin që kur Kosova është shpallur shtet i pavarur, dhe vetë 40 mijë prej tyre janë kthyer.

Numri i qytetarëve që kanë lëshuar vendin që kur Kosova është shpallur shtet është 20 %, shkruan albinfo.ch.

Ndërsa numri i atyre që kanë ikur nga vendi në mënyrë ilegale është 135 mijë qytetarë dhe prej tyre vetëm 40 mijë janë rikthyer.

Sipas statistikave e raportimeve në media, ku qytetarët kanë folur për aryset e ikjes së tyre nga vendi, shkaktar kryesor ka dalë të jetë mungesa e perspektivës, varfëria si dhe qeverisja jo e mirë.

Sipas Zyrës Evropiane të Statistikave (EUROSTAT), në periudhën 2008-2018 gjithsej 203.330 qytetarë kanë ikur nga Kosova dhe kanë bërë kërkesë për azil në Bashkimin Evropian. Po ashtu gjatë kësaj kohe 141.330 qytetarë të Kosovës u gjetën ilegalisht të pranishëm në BE.

Kësisoj prej shpalljes së Kosovës si shtet gati 20%, ose 1/5 e popullsisë ka ikur nga Kosova.

Në këto të dhëna nuk janë të përfshirë ata që kanë zgjedhur rrugë të tjera për të migruar në shtetet e BE-së, siç janë lejet e punës.

Ndërsa në pesë vjetët e fundit afro 135 mijë qytetarë nga Kosova kanë kërkuar azil nëpër vendet e Bashkimit Evropian dhe, siç njofton Departamenti për Shtetësi, Azil dhe Migracion në Ministrinë e Punëve të Brendshme, prej tyre janë kthyer afërsisht 40 mijë qytetarë.

 

---