Gratë kërkojnë 4000 franga në muaj pagë minimale dhe barazim me burrat

Kjo vlen për degët në të cilat ka pjesëmarrje të madhe të grave, si në përkujdesjen shëndetësore ose në punët në kopshtet e fëmijëve

Federata Zvicerane e Sindikatave SGB synomn që pas grevës së grave, të zhvilluar më 14 qershor, që edhe kërkesat për barazim të pagave të grave t`i përfshijë në agjendë të negociatave me punëdhënësit.

Siç bën të ditur federata në fjalë në një komunikatë të saj, do të kërkohet paga minimale prej 4.000 frangash në muaj (13 muaj)  për gratë, shkruan srf.ch. Kjo sidomos për degët në të cilat ka pjesëmarrje të madhe të grave, si në përkujdesjen shëndetësore ose në punët në kopshtet e fëmijëve dhe në shitje me pakicë.

Po ashtu në sektorët publikë dhe të subvencionuar, punëmarrësit kërkojnë rishikime të rregullta të pagave të tyre.

Në funksionet e njëjta dhe me kushte të njëjta nuk duhet të ketë dallime në paga në mes të burrave dhe grave, kërkon më tutje SGB, transmeton albinfo.ch. Rreth 660 franga në muaj fitojnë më pak gratë vetëm për faktin se janë gra, thonë në SGB. Dhe ato duan ta “fshijnë me gomë” këtë pabarazi

Sipas Federatës së Sindikatave Zvicerane, më 14 qershor më shumë se pesëqind mijë veta, pjesëmarrës të grevës së grave kanë dërguar një mesazh të qartë lidhur me barazinë.

---