Turistët gjermanë gjurmojnë Alpet shqiptare

Gjermania do të promovojë bukurinë e Alpeve shqiptare, mikpritjen, jetën baritore, bukurinë e florës, ajrin e pastër, etj..

Gjatë javë së ardhshme, një grup turisësh gjermanë do të zhvillojnë një turne në Alpet shqiptare, që përfshinë harkun malore të Shqipërisë, Kosovës dhe Malit të Zi të quajtur “Samiti Ballkanik”. Kjo vizitë bëhet në vende ku “kultura është ende origjinale, si në shekullin e 19-të dhe turizmi thuajse nuk njihet fare”.

Gjermania do të promovojë kështu, bukurinë e Alpeve, mikpritjen e rrallë, jetën baritore, bukurinë e florës, ajrin e pastër, hapësirat ku turizmi thuajse nuk njihet fare.

Kjo është e bërë e mundur falë një projekti të veçantë është financuar nga Ministria e Bashkëpunimit Ekonomik të Republikës Federale Gjermane, citon NOA.

Majat e Ballkanit janë vendosur në trekëndëshin e kufirit Kosovë, Mali i Zi, Shqipëria dhe kanë qenë të paarritshme në fillim prej sistemit komunist dhe më pas prej luftës.

Reportazhi për Alpet shqiptare përshkruan mikpritjen dhe gjuhën shqipe.

Theksohet se “mikpritja është e madhe. Interesante është edhe gjuha: gjuha shqipe është një nga gjuhët më të vjetra evropiane”.

Fermeri 39-vjeçar Arben Xhelaj tregon për shembull, se kur ai kulloste dhitë në mal, zbuloi lule shumë të bukura dhe kështu edhe ai vetë, kuptoi veçantitë e florës së zonës.

Rrugët ecin në gjurmët e karvaneve të vjetër, shkruan BR.de.

Kultura është ende shumë origjinale, ashtu siç ishte në Alpet në shekullin e 19-të. Deri më tani, nuk ka pasur thuajse asnjë lloj turizmi, thuhet më tej në reportazhin që vjen në kuadrin e projektit të organizuar nga “Duv Summit Club”.

Në reportazh, vëmendje e veçantë i kushtohet edhe gjuhës shqipe, duke e cilësuar “një nga gjuhët më të vjetra evropiane”.