10 futbollistët kryesorë të Superligës, mes tyre edhe Behrami e Xhaka

Edicioni i ri në Superligën e Zvicrës ka nisur dhe pritet një edicion shumë interesant

Këtë fundjavë nisi edicioni i ri në Superligën zvicerane, që pritet të jetë shumë interesant. “Blick” ka renditur dhjetë futbollistët kryesorë për këtë edicion, ku në mesin e tyre janë edhe Valon Behrami dhe Taulant Xhaka. Të tjerët janë Guillaume Hoarau, Laurent Ëalthert, Jonathan Sabbatini, Denis Popoviq, Cedric Itten, Blessing Eleke, Miroslav Stevanoviq dhe Miguel Castroman, përcjell albinfo.ch.

Valon Behrami është rikthyer në Sion. Ai ndoshta nuk është një 10-sh, nuk ka shumë kreativitet, por është një lojtar që nuk dorëzohet kurrë.

Atij pritet t’i dorëzohen çelësat e mesfushës. Edhe pse është 34-vjeçar, ndihet i ri për të luajtur dhe me shumë motiv. Behrami ka theksuar se ndihet i motivuar dhe nuk ka ardhur të pensionohet, derisa ka nënshkruar kontratë 2-vjeçare, përcjell tutje albinfo.ch.

Nuk ka se si të mungojë Taulant Xhaka, një luftëtar në fushë. Xhaka thotë se koha e justifikimeve ka përfunduar dhe tashmë janë të gatshëm për sezonin e ri.

Baseli kërkon titullin dhe me këtë pajtohet mesfushori shqiptar. Ai pret një edicion të mirë, pasi kishin edhe përgatitje të mira dhe asnjë lojtar i rëndësishëm nuk është larguar.

 

---