Haradinaj thotë se Serbia duhet t’i ndalë provokimet

Ish-kryeministri i Kosovës, Ramush Haradinaj, ka deklaruar se provokimet e Serbisë duhet të ndalen.

Kjo deklaratë e Haradinajt erdhi pas deklaratave të Komandatit të ri të Ushtrisë së Serbisë, Milan Mojsiloviq.

Ky i fundit, sipas Haradinajt, ka thënë se kanë përkrahjen e ushtrisë ruse për sfidat e Kosovës.

“Komandanti i ri i ushtrisë së vjetër famëkeqe të Serbisë, Milan Mojsiloviq, paska deklaruar se kanë përkrahjen e ushtrisë ruse për sfidat në Kosovë. Ia kujtojmë atij se edhe Millosheviq mendonte njësoj, por i doli keq. Ata duhet t’i ndalin këto provokime”, ka shkruar Haradinaj.