Bizneset në kredi për 1.2 miliard euro

Gjatë viteve 2007-2013 kreditë e biznesve në Kosovë kanë ardhur duke u rritur

Një hulumtimi që ka kryer Open Data Albania, lidhur me Kreditë e Korporatave të tjera Depozituese KTD në Republikën e Kosovës tregon se  në vitin 2013 kreditë në total për bizneset në Kosovë shënojnë vlerën e 1.2 miliard eurove, ndërkohë që në të njëjtin vit në Shqipëri këto kredi arrijnë vlerën e 2.8 miliard eurove.

Sipas këtij hulumtimi, gjatë viteve 2007-2013 kreditë e KTD-ve në Kosovë kanë ardhur duke u rritur, transmetojnë mediet në Prishtinë.

Vlerën më të madhe ndër kreditë e bizneseve të tjera depozituese sipas aktivitetit ekonomik e shënojnë ato të sektorit të shërbimeve.

Sipas këtij hulumtimi, në sektorin e shërbimeve vihet re një kreditim i lartë i tregtisë me shumicë e pakicë, përkatësisht 73% të totalit të sektorit.