Ndalohen 45 migrantë afër kufirit me Serbinë

Policia maqedonase ka ndaluar 45 migrantë afër kufirit me Serbinë, transmeton agjencia e lajmeve, The Associated Press.

Policia në Maqedoninë e Veriut ka thënë se ka ndaluar 45 migrantë në një furgon afër kufirit me Serbinë, si dhe ka arrestuar ngasësin e mjetit, nën dyshimin e kontrabandimit me njerëz.

Në një komunikatë të policisë maqedonase është thënë se 42 migrantë janë pakistanezë, dy afganë dhe një sirian. Ata janë parë duke u larguar nga furgoni afër kufirit, përcjell albinfo

Besohet se migrantët kanë hyrë në këtë shtet ilegalisht nga Greqia dhe kanë paguar kontrabanduesit për t’i dërguar në Serbi, që më pas të kalojnë kufirin për të arritur në ndonjë vend të Bashkimit Evropian.

Policia ka bërë të ditur se këta persona janë dërguar në një kamp në Gjevgjeli, në pritje të dëbimit në Greqi.

Policia po ashtu ka treguar se kanë ndaluar 10,017 migrantë që kanë hyrë ilegalisht në këtë shtet në gjysmën e parë të këtij viti.

 

---