Ibrahim Dresheviq i gatshëm për ndeshjet e shtatorit

Futbollisti shqiptar i lindur në Suedi që është përcaktuar të luajë për Kosovën, Ibrahim Dresheviq, ka marrë sot edhe zyrtarisht lejën e FIFA-s për ta pëfaqësuar Kosovën në nivel ndërkombëtar, konfirmon Presidenti i Federatës së Futbollit të Kosovës, Agim Ademi.

Presidenti Ademi falënderon edhe institucionet shtetërore që përshpejtuan dukshëm procedurat për pajisjen e Ibrahimit me shtetësinë dhe pasaportën e Kosovës dhe në këtë formë mundësuan që lënda e kompletuar e futbollistit të shqyrtohej me shpejtësi nga FIFA që mori vendimin e pritur.

Në këtë formë Dresheviq do të jetë në dispozicion të selektorit Bernard Challandes që nga ndeshjet e shtatorit, shkruan Albinfo.ch.