Sot shorti i Champions League, kështu janë ndarë ekipet në grupe

Liga e Kampionëve do të zbulojë sot përmes vazove të UEFA-s grupimet e saj me një ceremoni në Montekarlo, nga ora 18:00.

Skuadrat janë ndarë në katër vazo, nga ku do të zgjidhen skuadrat që do të formojnë grupet për fazën eleminatore të Champions League, përcjell albinfo.ch.

Përveç vazos së parë ku ndodhen skuadrat më të forta të kontinentit, edhe në vazon e dytë ka gjithashtu skuadra “big” si Real Madrid, Dortmund, Atletico Madrid apo Tottenham, çka tregon se faza eleminatore do të rezervojë përballje emocionuese.

Në vazon e tretë vlen të veçohet Interi i Antonio Contes që parashikohet të bëjë një performancë më të mirë se sezonin e kaluar në ligën e më të mirëve të Europës.