​Vazhdon kërkimi i personit të zhdukur në Liqenin e Batllavës

Gjeneral Haziri vlerësoi lart punën dhe përkushtimin e pjesëtarëve të FSK-së, të cilët po operojnë në Liqenin e Batllavës

Pjesëtarët e kërkim-shpëtimit të FSK-së po vazhdojnë operacionin për kërkimin e një personi të zhdukur në Liqenin e Batllavës.

Gjeneralbrigade Naim Haziri dje e vizitoi ekipin e kërkim-shpëtimit në ujëra të Regjimentit të Mbrojtjes Civile të FSK-së, të cilët që nga data 25 gusht janë duke marrë pjesë në operacionin për kërkimin e një personi të zhdukur në Liqenin e Batllavës, përcjell albinfo.ch.

Me këtë rast, pjesëtarët e angazhuar në operacion e njoftuan në hollësi gjeneral Hazirin për zhvillimet e këtij operacioni, si dhe për sfidat me të cilat po përballet ekipi i angazhuar i kërkim-shpëtimit.

Gjeneral Haziri vlerësoi lart punën dhe përkushtimin e pjesëtarëve të FSK-së, të cilët po operojnë në Liqenin e Batllavës, për gjetjen e trupit të një qytetari, i cili ditë më parë ishte zhdukur në liqen.

---