Gjeli në Francë fiton gjyqin, mund të këndojë çdo mëngjes

Gjykata franceze i ka dhënë fund debatit të madh, sa qesharak aq edhe të çuditshëm për ankesat që ishin bërë ndaj gjelit të quajtur “Maurice”, duke i dhënë të drejtë atij të këndojë që në orët e para të mëngjesit.

Edhe pse fqinjët e pronares së gjelit e kishin hedhur në gjyq, tashmë ata duhet të paguajnë një dëmshpërblim prej një mijë eurosh plus interesat. Maurice mund të vazhdojë të këndojë çdo mëngjes duke zgjuar francezët në komunën e Sant–Pier–D’oleron.

Pronarja e gjelit Corinne Fesseau u shpreh shumë e lumtur pas vendimit duke thënë se Maurice fitoi. Tashmë janë fqinjët ata që duhet të paguajnë dëmshpërblim.

Sipas avokates së pronares, çështja u fitua pasi sipas ligjeve franceze duhet të dëshmohet me fakte një ngacmim dhe një gjë e tillë nuk u bë e mundur nga fqinjët, përcjell albinfo.ch.

---