Kryeministri kanadez Trudeau shpall zgjedhje të reja

Justin Trudeau ka bërë thirrje për zgjedhje të përgjithshme në Kanadë dhe ka shpërbërë parlamentin e këtij vendi.

Kryeministri kanadez u takua me Guvernatoren e Përgjithshme, Julie Payette, që ushtron detyrën e presidentes së shtetit, që i dha bekimet e saj formale për fushatën gjashtëjavëshe të zgjedhjeve të përgjithshme.

“Kanadezët do t’u drejtohen kutive të votimit më 21 tetor”, tha z.Trudeau jashtë rezistencës zyrtare të znj.Payette në Otavë.

“Kemi bërë shumë këto katër vjetët e fundit, por e vërteta është se sapo kemi filluar”.

Ai tha se kanadezët ose duhet të zgjedhin mes politikave të dështuara të vjetra, ose të vazhdojnë me liberalët.

Z.Trudeau është i admiruar për politikat e tij progresive, por është dëmtuar goxha shumë së fundi nga disa skandale.

Sondazhet tregojnë se Partia Konservatore është fare pranë liberalëve të Trudeau-së, shkruajnë mediat kosovare, përcjell albinfo.ch.

---