OBT: Eksportet ‘Made in Albania’, dominojnë në tregjet e huaja

Dy sektorët që dominojnë eksportet “Made in Albania” në tregjet e huaja janë bujqësia dhe fasoneria

Organizata Botërore e Tregtisë (OBT) ka publikuar një raport, ku tregon një pasqyrë gjithëpërfshirëse të produkteve kryesore të eksportit shqiptar.

Sektorët që dominojnë eksportet “Made in Albania” në tregjet e huaja janë bujqësia dhe fasoneria.

Të dhënat e këtij raporti tregojnë se në vitin 2018, Shqipëria ka eksportuar rreth 2.9 miliardë dollarë produkte, ndër të cilat dominojnë eksportet e prodhimeve nga manifaktura që zë pjesën kryesore me rreth 70%, më pas vijnë hidrokarburet dhe minierat me rreth 17% për të vazhduar me eksportet agrobujqësore që zënë rreth 12%, shkruan ‘shqiptarja.com’.

Sipas raportit, Shqipëria renditet në vendin e parë për eksportet e produkteve jobujqësore, që kapin shifrën e 227 milionë dollarëve në fund të vitit 2018. Nërsa në vendin e dytë renditen eksportet e fasonerisë, këpucët dhe artikujt e lëkurës. Sipas raportit, në vend të tretë vijnë kostumet për burra dhe në vend të katërt bluzat për burra e djem.

Gjithashtu raporti i OBT-së cilëson me peshë të rëndësishme edhe eksportin e energjisë elektrike.

Eksporti i produkteve bujqësore, domatet e freskëta apo të shtypura, renditen në vend të parë, me rreth 38 milionë dollarë në vit, përcjell albinfo.ch.

 

---