Kosova

Kundërshtari i Kosovës në Austri, tërhiqet nga jeta politike

Ish-kreu i së djathtës ekstreme FPO, Heinz-Christian Strache, njoftoi gjatë një konference për shtyp largimin e tij nga jeta politike. Ky njoftim vjen disa muaj pas skandalit për korrupsion, që e detyroi Strache-n të dorëhiqej nga drejtimi i partisë, të cilën e kishte udhëhequr për 14 vjet

E martë, 1 Tetor 2019 - 21:10 albinfo.ch

Strache tha se dëshironte të shmangte me çdo kusht përçarjet brenda partisë së tij, në një kohë kur fati i kësaj figure të ekstremit të djathtë u kthye në temë debati.

Ish-kreu i FPO-së shtoi, gjithashtu, se e ka vënë në pritje anëtarësimin në parti, derisa emri i tij të pastrohet nga çdo dyshim, ndërkohë që mohon çdo keqbërje nga ana e tij.

Gjatë rënies, ai tërhoqi me vete tërë qeverinë, gjë që çoi në zgjedhje parlamentare të parakohshme, të cilat u mbajtën ditën e diel dhe përfunduan me triumfin e Sebastian Kurz-it, shkruan gazetaexpress, përcjell albinfo.ch.