Alarmante: Deri tani nga Maqedonia janë shpërngulur gjysmë milion qytetarë

Bojan Shimbov, ekonomist në Bankën Botërore është shprehur se praktikisht Maqedonia së bashku me Armeninë, Moldavinë, Bosnjë dhe Hercegovinën janë vendet ku kemi largimin më të madh të kuadrit me arsim sipëror.

Sipas raporteve të fundit nga Maqedonia janë shpërngulur gjysmë milion qytetarë ose një e katërta e popullsisë. Sipas kësaj dy të tretat janë të aftë për punë, ndërsa një e treta janë me kualifikim të lartë, prej të cilëve pjesa më e madhe nga sektori i IT.

Bankierët botërorë maqedonas paralajmërojnë masa që të parandalohet largimi i të talentuarve nga vendi, sepse sipas tyre do të vihet në rrezik e tërë ekonomia, tregu i punës, si dhe qëndrueshmëria e fondit pensional dhe shëndetësor shkruajnë mediat maqedonase, përcjell albinfo.ch.