Vjosa Osmani: Nuk e kam të domosdoshme të jem në Qeverinë Kurti

Kandidatja e Lidhjes Demokratike të Kosovës për kryeministër, Vjosa Osmani, ka bërë të ditur në Rubikon të KTV-së se ende nuk ka vendosur  të jetë pjesë e Qeverisë që do të mund të drejtohej nga lideri i Vetëvendosjes, Albin Kurti.

“Nuk e kam të domosdoshme as njërën, të jem pjesë e Qeverisë, as tjetrën, postin e kryeparlamentarit. Nuk është çështje për të cilën kam vendosur ende. Është vendim që më takon mua dhe LDK-së, e assesi Vetëvendosjes”, tha Vjosa Osmani në Rubikon.

Gjithashtu kandidatja e LDK-së tha se nëse arrihet marrëveshja për bashkëqeverisje, nuk do të jetë ndërmjet Albin Kurtit dhe Vjosa Osmanit, por ndërmjet LDK-së dhe Lëvizjes Vetëvendosje, përcjell albinfo.ch.