Merkel: Mundësitë janë të pakta për hapjen e negociatave

Gjasat janë të pakta për Shqipërinë dhe Maqedonin e Veriut

Mundësitë e dakordimit për caktimin e një date për fillimin e negociatave me Maqedoninë Veriore dhe Shqipërinë në Samitin e BE-së nuk janë të mira, tha kancelarja gjermane në një deklaratë të qeverisë të lëshuar sot në Bundestag, shkruan Deutsche Welle.

“Ne kemi përgjegjësi ndaj këtyre shteteve. Unë mendoj se ia vlen që t’i jepet një perspektivë evropiane Maqedonisë së Veriut dhe Shqipërisë, tha Merkel.

Po ashtu, kancelarja Merkel dha një deklaratë qeveritare para Parlamentin gjerman dhe në fillim të saj u fokusua edhe në temën e zgjerimit të BE-së me Maqedoninë e Veriut dhe Shqipërinë.

“Gjermania ndjen një lidhje të veçantë me vendet e Ballkanit Perëndimor dhe dëshiron që ato të anëtarësohet në BE”, tha Merkel, sipas së cilës pranimi i vendeve të Ballkanit është në interes të Gjermanisë dhe të vetë BE-së.

Ndërkohë ajo theksoi se vendet e BE-së duhet të respektojnë premtimet që ua kanë bëra këtyre vendeve, pasi kjo gjithashtu do të sigurojë stabilitetin dhe prosperitetin e vetë BE-së, përcjell albinfo.ch.

---