Publikohen pamje si shqiptarët grabitën shtëpitë e yjeve të futbollit

Yjet e Real Madrid dhe Atletico Madrid, si Karim Benzema, Alvaro Morato, Thomas Partey, Zinedine Zidane, Casemiro, Isco, ranë pre e këtyre grabitjeve

Në mediat spanjolle shqiptarët janë vënë në qendër të vëmendjes, por për shkak të grabitjeve ndaj futbollistëve të njohur të Real dhe Atletico Madridit.

E përditshmja madrilene “Marca” ka dhënë detaje të reja në lidhje me operacionin e zhvilluar nga Europol më 16 tetor, ku u arrestuan një grup shqiptarësh, të cilët grabisnin shtëpitë e yjeve të Real Madrid dhe Atletico Madrid.

Sipas medias spanjolle, truri i grabitjes së futbollistëve të Real dhe Atletico Madrid është M. Zefi, përcjell albinfo.ch.

Zefi ka qenë pjesë e grupit që dhunoi dhe grabiti Joze Luis Morenon në vitin 2007, ku e qëlloi atë me sëpatë, transmetojnë mediat shqiptare.

Në atë periudhë Zefi ishte pjesë e grupit të A. Bushit, laçjanit që vrau edhe një polic të RENEA-s në vitin 2001, Altin Balozi.

Zefi dhunoi me një sëpatë yllin e televizioneve spanjolle, Joze Luis Moreno në 2007, i cili përfundoi në gjendje të rëndë në spital.

Yjet e Real Madrid dhe Atletico Madrid si Karim Benzema, Alvaro Morato, Thomas Partey, Zinedine Zidane, Casemiro, Isco, ranë pre e këtyre grabitjeve, ku nuk kanë munguar as vjedhjet e sendeve me vlerë si medaljet e Ligës së Kampionëve, ora të shtrenjta, kasafortë etj.

Europol publikoi pamjet e arrestimit të shqiptarëve, ndërsa mes tyre ishte edhe një spanjolle, e cila dyshohet se ka lidhje dashurie me njërin prej të arrestuarve.

https://www.youtube.com/watch?time_continue=15&v=wogOwWlvENk

---