Zhegrova, futbollisti i ndeshjes, a ka ardhur koha e tij në Zvicër

Futbollisti nga Kosova ka pasur më shumë minuta në ndeshjet e fundit në Basel

Baseli fitoi derbin ndaj Young Boys 3:0, ku nga fillimi ishin Taulant Xhaka dhe Edon Zhegrova. Tani Baseli i afrohet në vetëm një pikë kampionit aktual të Zvicrës, shkruan albinfo.ch.

Në këtë ndeshje, Zhegrova asistoi dhe shënoi golin e tretë. Ai ishte futbollisti më i mirë i ndeshjes, sipas SofaScore. Faqja e statistikave e ka vlerësuar atë me notën më të lartë, 8.5 për paraqitjen e tij.

Kujtojmë se Zhegrova ka ardhur në Basel me shumë bujë nga Belgjika, megjithatë, kishte shumë pak minuta.

Sidoqoftë, në ndeshjet e fundit futbollisti kosovar po dëshmon aftësitë e tij, duke treguar se Baseli nuk ka gabuar që e ka marrë.

Në skuadrën zvicerane është i huazuar deri në përfundim të këtij edicioni.

---