Sllogani “Pranë popullit shqiptar”, tifozët italianë solidarizohen me Shqipërinë

Slloganet “Pranë popullit shqiptar” dhe “Forca Shqipëri” valvuan në ndeshjet futbollistike në Itali, në shenjë solidariteti për të prekurit nga tërmeti në Shqipëri.

Nga tërmeti i ndodhur në Shqipëri shumë shtete ndihmuan, por duhet veçuar solidaritetin e disa shteteve dhe reagimin e disa ekipeve.

Kështu, shumë ekipe të SERIE A në Itali kanë dhënë mesazhe që kanë treguar solidaritet me popullin shqiptar pas tërmetit të 26 nëntorit.

Pas ekipeve, si Milani, Interi, Roma, një mesazh i tillë ka ardhur edhe në stadiumin “Luigi Ferraris” në Genoa.

Gjatë ndeshjes Genoa-Torino, tifozët kanë shfaqur pankarta që shkruante:

“Pranë popullit shqiptar”.

Po ashtu, një të tillë ishte shfaqur edhe në takimin në ndeshjen Crotone-Cittadella në SERIE B.

Nga ana tjetër, slogani i shpalosur nga ultrasit e Lecce ishte “Forca, Shqipëri”, përcjell albinfo.ch.

 

 

---