Refuzohet oferta e Tottenhamit për Muriqin

Ende nuk dihet se sa është shuma e parave të ofruara për Muriqin apo se a është e gatshme Fenerbahce ta shesë atë, mirëpo oferat rreth tij po refuzohen nga klubi turk

Mediat turke bëjnë të ditur se Fenerbahçe ka refuzuar ofertën e Tottenhamit për sulmuesin kosovar, Vedat Muriqi.

Gazeta turke, Turkiye, raporton se Tottenhami ka bërë ofertë për Muriqin për ta transferuar në këtë afat kalimtar, megjithatë kjo ofertë është refuzuar nga presidenti i klubit turk, Ali Koc, pasi e dëshiron Muriqin në klub të paktën deri në përfundim të këtij sezoni, transmeton Koha.net.

Po ashtu, thuhet se për Muriqin raportohet të ketë bërë ofertë edhe klubi tjetër anglez, Burnley.

Kujtojmë se Muriqi ka marrë vëmendjen e top klubeve evropiane pas paraqitjeve shumë të mira me klubin, por edhe me kombëtaren e Kosovës, përcjell albinfo.ch.

---