Nga cili vend importon Kosova më së shumti mallra?

Agjencia e Statistikave të Kosovës ka publikuar raportin mbi statistikat e tregtisë së jashtme për muajin dhjetor të vitit 2019.

Nga ajo që vërehet shihet që Gjermania është vendi që importon më së shumti mallra në Kosovë, transmetojnë mediat kosovare, përcjell albinfo.ch

Nga të gjitha mallrat e importuara, 14.4% vijnë nga Gjermania.  Vendi i dytë e zë Turqia me 12.3 përqind.

Shqipëria në krahasim me dhjetorin e vitit 2018-të ka shënuar rënie. Gjatë vitit 2018, 5.7% e mallrave të importuara ishin nga Shqipëria. Kurse në vitin 2019, ajo ka rënë në 4.9 përqind.

---