Me logon e rreme të një portali përhapin panik në popull

“Të gjithë personave që kanë qenë në karnavalet e Bellinzonës, u sugjerohet që të shkojnë urgjentisht në spital dhe të testohen për të shmangur infektimin”

Autoritetet zvicerane kanë dhënë të martën lajmin për personin e infektuar dhe i kanë apeluar popullatës që të ruajë qetësinë, duke u besuar vetëm të dhënave zyrtare lidhur me virusin.

Por vetëm pak pas këtij njoftimi, një grup mashtruesish provuan të përhapin panik në popull. Kështu, ata e shpërndanë në internet një artikull i cili pretendohej se vinte nga botimi italisht i “20 minuten” (“20 Minuti”), transmeton albinfo.ch.

Në atë “lajm” mund të lexohej teksti në fjalë: “Të gjithë personave që kanë qenë në karnavalet e Bellinzonës, u sugjerohet që të shkojnë urgjentisht në spital dhe të testohen për të shmangur infektimin”.

Por, ndërkohë është konstatuar se bëhet fjalë për një lajm të rremë “Fake News”, përcjell albinfo.ch. Për këte arsye “20 Minuten” lut lexuesit e vet që të besojnë vetëm faqen zyrtare të internetit.

---