Specialisti kinez: Në fund të marsit do të zhduket koronavirusi

Keystone EPA/YFC CHINA OUT

Zyrtarët e shëndetit në Kinë po bëjnë parashikime shumë të mira në lidhje me atë se kur do të marrë fund koronavirusi në vendin e origjinës. “Në fund të muajit nuk do të ketë më Covid-19 në Wuhan, epiqendrën e virusit, e cila ka shkaktuar kaos në gjithë botën”.

Deklarata bëhet nga Zhang Boli, pjesë e grupit të 14 kërkuesve të dërguar nga Pekini në provincën Hubei për të drejtuar punën ndaj epidemisë. Sipas Zhang, i cili është drejtori i Universitetit Tradicional për mjekësinë kineze në Tianjin, “pritet që të ketë 0 raste në fund të muajit. Në fund të prillit, jeta do të rikthehet në normalitet në Kinë dhe jashtë provincës Hubei. Për këtë të fundit do të duhet edhe një muaj më tepër para se të kthehet gjithçka në normalitet”.

Megjithatë, shumë prej inspektorëve e shohin këtë parashikim me dyshim, duke menduar se një ulje kaq e madhe mund të jetë e pamundur për të qenë e vërtetë për një virus, i cili tregoi se ka arritur të përhapet në gati 100 mijë të infektuar nëpër botë. Kina ka marrë masa drastike për të ardhur deri në zhdukjen e virusit, duke mbyllur dhe futur në karantinë qytete me miliona banorë.