Greqi: Bëjnë testin kryeministri dhe disa politikanë, ja rezultatet

Edhe kryeministri i Greqisë, Kiriakos Mitsotakis, i është nënshtruar testit për koronavirus. Mediet fqinje raportojnë se kreu i qeverisë greke ka rezultuar negativ.

Të dhënat e testit janë bërë të ditura nga zëdhënësja e kryeministrit Mitsotakis, Aristotelia Peloni, e cila tha se testit për COVID-19 i janë nënshtruar edhe familjarët e kryeministrit, që fatmirësisht kanë rezultuar të gjithë negativë.

Gjithashtu, Peloni informoi se duke pasur parasysh që bashkëshortja e Stelios Petsa, i cili është zëdhënësi i qeverisë, kishte rezultuar pozitiv me Covid-19, u testuan të gjithë punonjësit e Pallatit Maximus, ku të gjithë rezultuan negativë. Deri më tani në Greqi janë regjistruar 4 viktima dhe 331 të infektuar me Covid-19, përcjell albinfo.ch.