Qeveria Zvicerane shtyn votimet e 17 majit: Shkak, koronavirusi

Iniciativa e kufizimit të të huajve në Zvicër, ajo për rishikimin e ligjit të gjuetisë dhe votimi për koston e kujdesit për fëmijë, do të shkojnë më vonë në votime

Referendumet në nivel federal të parapara për 17 maj nuk do të mbahen për shkak të koronavirusit. Këshilli Federal ka marrë vendimin për këtë çështje sot. Në këtë mënyrë, iniciativa e kufizimit të të huajve në Zvicër, ajo për rishikimin e ligjit të gjuetisë dhe votimi për koston e kujdesit për fëmijë, do të shkojnë më vonë në votime.

Për të gjitha iniciativat federale në pritje dhe referendumet fakultative, periudhat e mbledhjes süë nënshkrimeve dhe trajtimi duhet të shtyhen për një kohë të kufizuar.

Këshilli Federal pritet të miratojë një rregullore përkatëse lidhur me këtë.

Ai gjithashtu rekomandon shprehimisht që kantonet dhe komunat të lejojnë mbledhjet e asambleve të qytetarëve vetëm në raste urgjente.

Në këtë kuptim, Këshilli Federal i konsideron si logjike vendimet e kantoneve Appenzell Innerhoden dhe Glarus për shtyrjen e mbajtjes së asambleve të komuniteteve të tyre rurale.  Asambletë në fjalë i nënshtrohen thelbësisht ndalimit të ngjarjeve, në përputhje me nenin 6 të Rregullores 2 të COVID 19.

---