A do të shpallë Zvicra orë policore nga ora 18?

Në një fazë të parë, një orë policore do të vendoset çdo ditë nga ora 18.00, përcjell albinfo.ch. Nëse nuk do të mjaftonte kjo, mund të pasojë një shtetrrethim i plotë (orë policore) tërëditore

Gazeta “Tagesanzeiger”, ka shkruar se nuk mund të përjashtohet tërësisht shpallja e orës pollicore në Zvicër. Kjo vazhdon të mbetet një opsion. Nëse do të vendosej për orën policore, atëherë Këshilli Federal do ta miratonte atë, në dy hapa, shkruan gazeta.

Qeveria Federale aktualisht është duke përdorur metadata të telefonisë celulare për të parë nëse popullsia u përmbahet rregulloreve dhe nëse me të vërtetë ka më pak kontakte sociale në jetën publike, transmeton albinfo.ch. Nëse Qeveria Federale do të arrinte në përfundimin se masat e marra tashmë nuk janë të mjaftueshme, do të vinte në radhë shtrëngimi i mëtejshëm.

Sipas gazetës në fjalë plani i administratës federale është si vijon: Në një fazë të parë, një orë policore do të vendoset çdo ditë nga ora 18.00, përcjell albinfo.ch. Nëse nuk do të mjaftonte kjo, mund të pasojë një shtetrrethim i plotë (orë policore) tërëditore.

“Chaos Computer Club” shkruan lidhur me këtë në Twitter se Qeveria Federale ka mjete të mjaftueshme për të bërë mbikqyrjen: “Qeveria Federale është në gjendje që pa problem të monitorojë të dhënat e pozicioneve të telefonave celularë të të gjithë popullatës zvicerane”. Prandaj i bën thirrje popullatës: “Përfundimisht, ndiq rregullat e BAG! »

---