Tjetër teori: A ka financuar SHBA-ja eksperimentin me lakuriq në Wuhan

Daily Mail raporton se SHBA ka dhënë 3.7 milionë dollarë për një eksperiment me lakuriq në Wuhan, ku nisi koronavirusi

“Qeveria e ShBA-së dha 3.7 milionë dollarë ndihmë për laboratorin e Wuhan. Laboratori kinez nga ku besohet se ka pasur një rrjedhje të mundshme të koronavirusit, ka përdorur para të qeverisë amerikane për të realizuar hulumtime në lakuriqët e natës, për të cilët shkencëtarët besojnë se janë burimi origjinal i shpërthimit vdekjeprurës”.

Kështu e nis shkrimin media e njohur Daily Mail për sa i përket laboratorit të koronaviruseve në Wuhan.

Laboratori është qendra e disa teorive të komplotit, ku thuhet se është burimi origjinal i shpërthimit të koronavirusit, transmeton TCH.

Instituti i Virologjisë Wuhan ndërmori eksperimente koronaviruse mbi gjitarë të kapur më shumë se 1.000 milje larg në Yunnan, të cilat u financuan nga një grant prej 3.7 milionë dollarë nga qeveria amerikane, përcjell albinfo.ch.

“Instituti i Virologjisë Wuhan ndërmori eksperimente për koronavirusin mbi gjitarë të kapur më shumë se 1.000 milje larg në Yunnan, të cilat u financuan nga një grant prej 3.7 milionë dollarë nga qeveria amerikane”, vijon më tej shkrimi.

Instituti ndodhet vetëm 20 milje larg tregut të ushqimit, ku fillimisht besohej se filloi shpërthimi.

Ekspertët vazhdojnë të thonë se virusi është transferuar nga kafshë te njeriu dhe nuk është krijuar me laborator në Kinë, siç pretendojnë disa teori konspirative.

---