Zvicër: Vetëm 260 raste të reja me koronavirus

Të kujtojmë: Në kulmin e pandemisë, nga fundi i marsit, në Zvicër regjistroheshin deri në 1100 raste të reja infeksioni në ditë

Numri i infeksioneve të konfiormuara me Covid-19 në Zvicër është rritur për 260 brenda një dite. Këtë njoftim e ka dhënë të mërkurën Zyra Federale e Shëndetit Publik (BAG), hkruan srf.ch.

Megjithatë, të martën, në BAG janë dorëzuar rreth 320 rezultate pozitive laboratorike të bartura nga javët e kaluara, nga muaji mars, transmeton albinfo.ch. Në total, ishin 26,336 raste të konfirmuara të mërkurën.

Ditëve të fundit ka pasur një rënie të theksuar të numrit të infeksioneve të reja, por ekspertët këtë rënie ia faturonin ditëve të festës, gjatë të cilave është bërë një numër i reduktuar i testimeve, shkruan albinfo.ch. Ndërsa dita e martë (dje), ka qenë e para ditë pune pas festave, kështu që numri i shkruar më lart duhet të jetë real.

Të kujtojmë: Në kulmin e pandemisë, nga fundi i marsit, në Zvicër regjistroheshin deri në 1100 raste të reja infeksioni në ditë.

Sipas BAG, numri i viktimave  ka arritur në 973, ose 73 më shumë se sa të martën.

Shifrat bazohen në raportet e marra nga BAG deri në orën 8 të mëngjesit të së mërkurës, kështu që ato mund të ndryshojnë nga shifrat e komunikuara nga kantonet.

Ndërkohë, Uebfaqja corona-data.ch, e cila funksionon me informacione nga kantonet, ka shënuar një numër dukshëm më të lartë të vdekjeve: 1214 sosh

Sipas agjencisë së lajmeve Keystone-SDA, numri i vdekejve të shkaktuarae  nga Covid 19 ka shkuar në 1197 deri në mesditën e së mërkurës, gjegjësisht 45 më shumë se 24 orë më parë

Edhe platforma Worldometer.info ka një statistikë të saj që ndryshon nga zyrtarja, shkruan albinfo.ch. Sipas saj deri më tani në Zvicër kanë vdekur nga koronavirusi 1190 persona ndërsa janë shëruar, gjithsej 14.700.

---