Regjimi i rreptë i kufijve ul ndjeshëm numrin e azilkërkuesve në Zvicër

Në muajin prill janë bërë 332 kërkesa për azil. Dhe kjo është rreth 70 për qind më pak se në prillin e vitit 2019

Që nga mesi i marsit, Zvicra, ashtu si dhe shumica e vendeve tjera, është praktikisht e mbyllur për ata që duan të hyjnë, si në kufijtë tokësorë ashtu dhe përmes rrugës ajrore.

Masat për luftimin e koronavirusit kanë bërë që vendi të jetë i paarritshëm edhe për kërkuesit eventualë të azilit, shkruan srf.ch.

Për shkakun se pothuaj askush nuk lejohet të hyjë në Zvicër, numri i kërkesave për azil ka rënë ndjeshëm në gjatë muajit të kaluar, prillit.

Sipas sekretariatit shtetëror për migracionin SEM, në muajin prill janë bërë 332 kërkesa për azil, transmeton albinfo.ch. Dhe kjo është rreth 70 për qind më pak se në prillin e vitit 2019.

Autoritetet kanë shfrytëzuar kohën e fituar në këtë mënyrë për të përpunuar aplikimet e vjetra për azil, që ishiun në pritje. Kështu, rreth 1.300 kërkesa azili janë trajtuar në nivel të shkallës së parë. Afërsisht 800 persona kanë marrë azil ose janë pranuar përkohësisht, raporton më tej SEM.

Rënia e numrit të azilkërkuesve n¨Zvicër, edhe pa krizën e koronavirusit ka qenë një trend i konstatuar prej vitesh dhe sidomos që prej një viti

 

---