Austria ndihmon Shqipërinë me pajisje mjekësore në luftën kundër Covid -19

Ambasadori i BE-së në Shqipëri, Luigi Soreca ka falënderuar një donacion të dhuruar nga Austria për Shqipërinë në përballje me Covid -19.

Në këtë paketë ndihme janë dhuruar plotë 2000 pako me dorëza si dhe 3740 litra dezinfektues mjekësor.

Këto pajisje mjekësore kanë ardhur nga Austria përmes Mekanizmit të Mbrojtjes Civile të Bashkimit Evropian, shkruajnë mediat shqiptare, përcjell Albinfo Austria.

Soreca shkruan se kjo tregon dhe njëherë se së bashku jemi më të fortë dhe se BE kujdeset për vendet e rajonit.

“Sot një tjetër donacion i pajisjeve mjekësore që do të ndihmojnë Shqipërinë në luftën kundër Covid 19 u dha nga Austria dhe u dërgua përmes Mekanizimit të Mbrojtjes Civile të Bashkimit Evropian. Janë dhënë 2000 pako dorëza dhe 3740 litër dezinfektues”, ka thënë Soreca.

---